***පූජ්‍ය නාවලපිටියේ අරියවංශ ස්වාමීන් වහන්සේ***
෴෴෴෴෴෴෴෴෴෴෴෴෴෴෴෴෴෴෴
ධර්ම මාරගය පැමිණුනොත් තමයි ඒ මාර්ගය දියුණුකරගෙන යන්ට තියෙන්නෙ. ධර්ම මාර්ගයට අපිට පැමිණෙන්ට බැරිවයනව හිත අපිරිසිඳූ වුනොත්, හිතේ කෙලෙසීම බලවත්නම් ධර්ම මාර්ගයට එන්ට බෑ. ඉතින් ඒ විදිහට හිත කෙලෙසෙන්ට බලපාන බලවත් දෙයක් තමයි අගුණ කල්පනා කිරීම, අගුණ ගැන කතා කිරීම. අන් අයගේ අගුණ කල්පනා කිරීම, අන් අයගේ අගුණ කතා කිරීමෙන් හිත බලවත් විදිහට කෙලෙසෙනව. ඒ විදිහට හිත කෙලෙසුනොත් එහෙම අපිට ධර්ම මාර්ගයට එන්ට බැරිවයනව. ධර්මයට එන්ට බැරිවගියොත් මේ ලැබිච්ච ලාභය අපිට අහිමිවෙන්ට වැඩි කලක් යන්නෙ දියුණුකරගන්ටනම්, අපි ධර්ම මාර්ගයට පැමිණෙන්ට ඕනැ.
ධර්ම මාර්ගයට ඒ නිසා ඒ ගුණ කල්පනා කිරීම හොඳින් පුරුදුකරගන්න. අපිට ඇත්තට ම බැරිවෙන්නෙත් මේකමයි. ගුණ කල්පනාකිරීම කරන්ට බැරිවෙන්නෙ ඇයි? අපි ගුණ කල්පනා කරන්ට පුරුදුවුනොත් සසර ගමන බිෙඳන්ට ඒක හේතුවෙනව. සසර ගමනින් නිදහස්වීමනෙ අමාරු දේ. එහෙනම් ඒ ගුණ කල්පනා කිරීම අමාරු දෙයක්. එහෙනම් ඒ අමාරු දේ කරන්ට පුරුදුවෙන්න. ගොඩක් අයගේ මහා ගුණ කන්දක් තිබෙනව. ඒ ගුණ කන්ද තිබෙද්දී ම අපිට ඒක සිහිවෙන්නෙ නෑ. අපි නැති ගුණයක් හොයනව. අහවල් දේ නෑ. තියෙන එක කල්පනා කරන්ට හිතෙන්නෙ නෑ. "
මේව තියෙනව තමයි නමුත් මේක කෝ?" කියල නැති එක හොයනව. අපි තියෙන්නා වූ යම් ගුණයක් තියෙනවනම් ඒක කල්පනා කලයුතුයි. කිසිම ගුණයක් නැත්නම් අපි මොකද කරන්නෙ? අනුකම්පාව උපදවගන්ට ඕනැ. එතකොට අපේ හිත කෙලෙසෙන්නෙ නෑ. ඒ වගේම මතක තියාගන්ට, පිරිස අතර හෝ ආයතනයේ හෝ සිදුවුණ යම් අහිතවත්, අමනාපකම් හටගැනීම පිණිස සිදුවූ යම් සිද්ධි තියෙනවනම්, අපහසුතා ඇතිවීම පිණිස ඇතිවුන යම් සිද්ධි තියෙනව නම්, ඒවා දිගින් දිගට කතාකරන්ට යන්ට එපා. අතීත සිද්ධි තියෙනව නම්, ඒවා කතාකරන්ට යන්ට එපා. සමහරවිට කෙනෙකුට මතක්වෙන්ට පුළුවන්, නමුත් ඒව කතාකරන්ට එපා.
ඒවා කතාකිරීම හරියට පරණ වැසිකිළි වලක් අදින්න වගේ. ඒ නිසා ඒ අහිතවත් බව පිණිස පවතින පරණ සිද්ධි කිසිදෙයක් කතාකරන්ට එපා. ඒව එහෙම්ම අමතකකරල දාන්ට. මතකෙට ආවොත් එහෙම ඒක අතහැරල දාන්ට. ඒක යහපත පිණිස පවතින්නෙ නෑ. ඒ වගේ දේ කතාකරනට එපා. ඊළඟ දේ තමයි තව කෙනෙක්ගෙ යහපත්බව ප්‍රකට කිරීම පිණිස, එහෙනම් නැත්නම් තව කෙනෙක් හොඳයි කියල පෙන්වාදීම පිණිස වෙනත් කෙනෙකුගෙ අඩුපාඩු පෙන්වන්ට එපා. අම්ම හොඳයි කියන්ට තාත්තගෙ අඩුපාඩු පෙන්වන්ට එපා. අම්ම හොඳයි නම් කෙහොමද කියන්ට ඕනැ.
දැන් සාමාන්‍යය ලෝකෙ ස්වභාවයක් අම්මගෙ හොඳ පෙන්වන්න තාත්තගෙ අඩුපාඩු පෙන්වනව. ඒක ක්‍රමයක්. ඒක තමයි ප්‍රචලිතව තියෙන ක්‍රමය. ඒක දේශපාලනයෙ තියෙන එකක්. අපේ පක්ෂය හොඳයි කියන්න දේෂපාලකයන් ගන්න ප්‍රධානම ක්‍රමවේදය මොකක්ද? අනිත් සියලු පක්ෂවල කිසිම හොඳ ක් කියන්නෙ නෑ. ඒක දේෂපාලනයෙ තියෙන එකක්. ඒ ක්‍රමයට අපි කටයුතු නොකල යුතුයි. එහෙම කළොත් මොකද වෙන්නෙ? කුසල් වැඩෙන්නෙ නෑ. ඒක මේ වගේ. අපි හිතමු යම් කෙනෙකුට සුවඳ විලවුන් විකුණන්ට ඕනැ. එයා එක අතකින් සුවඳ විලවුන් ගන්නව. අනිත් අතින් අසූචි කෑල්ලක් ගන්නව. අරගෙන කියනව මේ බලන්න මේක අසූචි, මේ ගඳයි කියල, ඊට පස්සෙ සුවඳ විලවුන් ගැන කියනව.
ජනප්‍රිය වෙයිද එයා? එතෙන්ට එකතුවෙයිද කට්ටිය? සුවඳ විලවුන් අලෙවිකරගන්ට ඕනැනම් එයා මොකද කරන්ට තියෙන්නෙ? සුවඳ විලවුන් ටික පෙන්නුව නම් හරි. පැහැදිලිද? එහෙනම් සුවඳ විලවුන් කෙරෙහි හිත පහදවන්න නම් සුවඳ විලවුන් ටික පමණක් ප්‍රදර්ශනය කරන්ට. ඒක පමණක් පෙන්වන්ට ඕනැ. ඒ නිසා හොඳ ට මතකතියාගන්ට යහපත් දේ සමාදන් කිරීමේදී යහපත් දේ පමණක් පෙන්වන්ට. තව අයපත් දෙයක් එක්ක සසඳ සසඳා පෙන්වීම හැමෝටම කරන්ට බෑ. එහෙම ක්‍රමයකුත් තියෙනව.
දැන් බුදුරජාණන් වහන්සේ සමහර තැන් වලදි ඒක සසඳල පෙන්වන අවස්ථා තියෙනව. හොඳම දේ තමයි වටිනා දෙයක් ඉස්මතු කරද් දී එය ම ඉස්මතු කිරීම. ගුණයම ඉස්මතු කරල පෙන්වීම. එතකොට හිත පහදිනව, පහන්වෙනව. ඒ නිසා මේ අය කවදාවත් අඩුපාඩු හිතමින් ඉන්ට, අඩුපාඩු කතාකරමින් ඉන්ට පුරුදුවෙන්ට එපා. ඒක කාටත් අහිත පිණිස පවතින දෙයක්ම යි.
හොඳට බලන්න අඩුපාඩු ගැන හිත හිතා හිටපු වෙලාවකදි හිත අපහසුවට පත්වුනාද? නැද්ද? අඩුපාඩු ගැන කතාකරන්ට ගියා ම හිත අපහසුවෙලා අහිතවත්කම් අමනාපකම් හටගත්තද නැද්ද? ඒක හොඳට බලන්න. හොඳට බලල ඒකම පාඩමක් කරගන්න. ඒක පාඩමක් කරගත්තොත් එපමණකින්ම එයාට ඒ දුර්වලතාවයෙන් නිදහස්වෙන්ට පුළුවන්.
සියලු දෙනාටම තෙරුවන් සරණයි!
උපුටා ගැනීම : http://www.dinamina.lk/kalanamithuro
෴෴෴෴෴෴෴෴෴෴෴෴෴෴෴෴෴෴෴
ධර්ම මාරගය පැමිණුනොත් තමයි ඒ මාර්ගය දියුණුකරගෙන යන්ට තියෙන්නෙ. ධර්ම මාර්ගයට අපිට පැමිණෙන්ට බැරිවයනව හිත අපිරිසිඳූ වුනොත්, හිතේ කෙලෙසීම බලවත්නම් ධර්ම මාර්ගයට එන්ට බෑ. ඉතින් ඒ විදිහට හිත කෙලෙසෙන්ට බලපාන බලවත් දෙයක් තමයි අගුණ කල්පනා කිරීම, අගුණ ගැන කතා කිරීම. අන් අයගේ අගුණ කල්පනා කිරීම, අන් අයගේ අගුණ කතා කිරීමෙන් හිත බලවත් විදිහට කෙලෙසෙනව. ඒ විදිහට හිත කෙලෙසුනොත් එහෙම අපිට ධර්ම මාර්ගයට එන්ට බැරිවයනව. ධර්මයට එන්ට බැරිවගියොත් මේ ලැබිච්ච ලාභය අපිට අහිමිවෙන්ට වැඩි කලක් යන්නෙ දියුණුකරගන්ටනම්, අපි ධර්ම මාර්ගයට පැමිණෙන්ට ඕනැ.
ධර්ම මාර්ගයට ඒ නිසා ඒ ගුණ කල්පනා කිරීම හොඳින් පුරුදුකරගන්න. අපිට ඇත්තට ම බැරිවෙන්නෙත් මේකමයි. ගුණ කල්පනාකිරීම කරන්ට බැරිවෙන්නෙ ඇයි? අපි ගුණ කල්පනා කරන්ට පුරුදුවුනොත් සසර ගමන බිෙඳන්ට ඒක හේතුවෙනව. සසර ගමනින් නිදහස්වීමනෙ අමාරු දේ. එහෙනම් ඒ ගුණ කල්පනා කිරීම අමාරු දෙයක්. එහෙනම් ඒ අමාරු දේ කරන්ට පුරුදුවෙන්න. ගොඩක් අයගේ මහා ගුණ කන්දක් තිබෙනව. ඒ ගුණ කන්ද තිබෙද්දී ම අපිට ඒක සිහිවෙන්නෙ නෑ. අපි නැති ගුණයක් හොයනව. අහවල් දේ නෑ. තියෙන එක කල්පනා කරන්ට හිතෙන්නෙ නෑ. "
මේව තියෙනව තමයි නමුත් මේක කෝ?" කියල නැති එක හොයනව. අපි තියෙන්නා වූ යම් ගුණයක් තියෙනවනම් ඒක කල්පනා කලයුතුයි. කිසිම ගුණයක් නැත්නම් අපි මොකද කරන්නෙ? අනුකම්පාව උපදවගන්ට ඕනැ. එතකොට අපේ හිත කෙලෙසෙන්නෙ නෑ. ඒ වගේම මතක තියාගන්ට, පිරිස අතර හෝ ආයතනයේ හෝ සිදුවුණ යම් අහිතවත්, අමනාපකම් හටගැනීම පිණිස සිදුවූ යම් සිද්ධි තියෙනවනම්, අපහසුතා ඇතිවීම පිණිස ඇතිවුන යම් සිද්ධි තියෙනව නම්, ඒවා දිගින් දිගට කතාකරන්ට යන්ට එපා. අතීත සිද්ධි තියෙනව නම්, ඒවා කතාකරන්ට යන්ට එපා. සමහරවිට කෙනෙකුට මතක්වෙන්ට පුළුවන්, නමුත් ඒව කතාකරන්ට එපා.
ඒවා කතාකිරීම හරියට පරණ වැසිකිළි වලක් අදින්න වගේ. ඒ නිසා ඒ අහිතවත් බව පිණිස පවතින පරණ සිද්ධි කිසිදෙයක් කතාකරන්ට එපා. ඒව එහෙම්ම අමතකකරල දාන්ට. මතකෙට ආවොත් එහෙම ඒක අතහැරල දාන්ට. ඒක යහපත පිණිස පවතින්නෙ නෑ. ඒ වගේ දේ කතාකරනට එපා. ඊළඟ දේ තමයි තව කෙනෙක්ගෙ යහපත්බව ප්‍රකට කිරීම පිණිස, එහෙනම් නැත්නම් තව කෙනෙක් හොඳයි කියල පෙන්වාදීම පිණිස වෙනත් කෙනෙකුගෙ අඩුපාඩු පෙන්වන්ට එපා. අම්ම හොඳයි කියන්ට තාත්තගෙ අඩුපාඩු පෙන්වන්ට එපා. අම්ම හොඳයි නම් කෙහොමද කියන්ට ඕනැ.
දැන් සාමාන්‍යය ලෝකෙ ස්වභාවයක් අම්මගෙ හොඳ පෙන්වන්න තාත්තගෙ අඩුපාඩු පෙන්වනව. ඒක ක්‍රමයක්. ඒක තමයි ප්‍රචලිතව තියෙන ක්‍රමය. ඒක දේශපාලනයෙ තියෙන එකක්. අපේ පක්ෂය හොඳයි කියන්න දේෂපාලකයන් ගන්න ප්‍රධානම ක්‍රමවේදය මොකක්ද? අනිත් සියලු පක්ෂවල කිසිම හොඳ ක් කියන්නෙ නෑ. ඒක දේෂපාලනයෙ තියෙන එකක්. ඒ ක්‍රමයට අපි කටයුතු නොකල යුතුයි. එහෙම කළොත් මොකද වෙන්නෙ? කුසල් වැඩෙන්නෙ නෑ. ඒක මේ වගේ. අපි හිතමු යම් කෙනෙකුට සුවඳ විලවුන් විකුණන්ට ඕනැ. එයා එක අතකින් සුවඳ විලවුන් ගන්නව. අනිත් අතින් අසූචි කෑල්ලක් ගන්නව. අරගෙන කියනව මේ බලන්න මේක අසූචි, මේ ගඳයි කියල, ඊට පස්සෙ සුවඳ විලවුන් ගැන කියනව.
ජනප්‍රිය වෙයිද එයා? එතෙන්ට එකතුවෙයිද කට්ටිය? සුවඳ විලවුන් අලෙවිකරගන්ට ඕනැනම් එයා මොකද කරන්ට තියෙන්නෙ? සුවඳ විලවුන් ටික පෙන්නුව නම් හරි. පැහැදිලිද? එහෙනම් සුවඳ විලවුන් කෙරෙහි හිත පහදවන්න නම් සුවඳ විලවුන් ටික පමණක් ප්‍රදර්ශනය කරන්ට. ඒක පමණක් පෙන්වන්ට ඕනැ. ඒ නිසා හොඳ ට මතකතියාගන්ට යහපත් දේ සමාදන් කිරීමේදී යහපත් දේ පමණක් පෙන්වන්ට. තව අයපත් දෙයක් එක්ක සසඳ සසඳා පෙන්වීම හැමෝටම කරන්ට බෑ. එහෙම ක්‍රමයකුත් තියෙනව.
දැන් බුදුරජාණන් වහන්සේ සමහර තැන් වලදි ඒක සසඳල පෙන්වන අවස්ථා තියෙනව. හොඳම දේ තමයි වටිනා දෙයක් ඉස්මතු කරද් දී එය ම ඉස්මතු කිරීම. ගුණයම ඉස්මතු කරල පෙන්වීම. එතකොට හිත පහදිනව, පහන්වෙනව. ඒ නිසා මේ අය කවදාවත් අඩුපාඩු හිතමින් ඉන්ට, අඩුපාඩු කතාකරමින් ඉන්ට පුරුදුවෙන්ට එපා. ඒක කාටත් අහිත පිණිස පවතින දෙයක්ම යි.
හොඳට බලන්න අඩුපාඩු ගැන හිත හිතා හිටපු වෙලාවකදි හිත අපහසුවට පත්වුනාද? නැද්ද? අඩුපාඩු ගැන කතාකරන්ට ගියා ම හිත අපහසුවෙලා අහිතවත්කම් අමනාපකම් හටගත්තද නැද්ද? ඒක හොඳට බලන්න. හොඳට බලල ඒකම පාඩමක් කරගන්න. ඒක පාඩමක් කරගත්තොත් එපමණකින්ම එයාට ඒ දුර්වලතාවයෙන් නිදහස්වෙන්ට පුළුවන්.
සියලු දෙනාටම තෙරුවන් සරණයි!
උපුටා ගැනීම : http://www.dinamina.lk/kalanamithuro
No comments:
Post a Comment